Nagapadayun makaron ro abiso it Manila Police District (MPD) sa publiko eabi eon sa ma-eksperyensyahan nga paghugot sa maabot nga adlaw it Huwebes, Hunyo 30 sa inagurasyon ni President-elect Ferdinand “Bongbong” Marcos Jr.
Ginpahayag ni MPD district director Brig. Gen. Leo Francisco, nagpangayo raya it pag-intindi sa mga maapektuhan sa andang pagahimuon nga adjustment sa seguridad ag daeagan it trapiko.
Ginhalimbawa eon kara nga umpisa makaron nga adlaw hay may pilang karsada ro temporaryong igapasarado maeapit sa National Museum ag maga-eapad pa raya smatang nagapaeapit ro event.
Sa Lunes it agahon hay umpisa eon man it pagpatuman it gun ban.
Nagpaandam man raya angot sa pilang mga bagay nga ginabawae maskin ro pagsuksok sigon it jacket hay owa ginapasugtan maeapit sa lugar.
Makaangkon man sigon it mga checkpoints sa mga magapasueod sa Metro Manila ag pilang mga boundaries nga mga syudad nga maga-konekta sa siyudad it Manila.
