-- ADVERTISEMENT --
KALIBO, Aklan — Patay eon kat madiskubrehan ro sangka 60-anyos nga chef sa Boracay sa sueod it anang kwarto sa isla.
Nakilaea ro biktimang si Albert Joseph Wuthrich, tubong Mandurriao, Iloilo, ag resident chef it sangka kilaeang resort sa Boracay.
Sa inisyal nga imbestigasyon it mga otoridad, gin-adtunan ro biktima it anang kaibahan nga si Elmer Eulio sa anang kwarto agud sampiton nga magkaon it pamahaw, apang naabutan eon lang nana raya nga uwa eon nagahueag ag maeamig eon ro anang eawas.
Ginapahayag nga antes raya nakit-ang patay hay ginareklamo kara ro nagagutok nga dughan ag nabudlayan sa pagginhawa.
Uwa man it indikasyong ginpatay raya ag posibleng gin-atake sa puso.
-- ADVERTISEMENT --
Nagapadayon pa ro imbestigasyon it mga otoridad sa nasambitang insidente.
