May ikasarang ro Philippine Statistics Authority (PSA) ag National Bureau of Investigation (NBI) nga beripikahon kun may mga kapangaean sanday Chel Diokno ag Marian Rivera nga posibleng nagbaton it confidential funds halin kay Vice President Sara Duterte, suno kay House Assistant Majority Leader Zia Alonto Adiong.
Nagguwa ro mga pangaeang Chel Diokno ag Marian Rivera sa acknowledgement receipt it confidential funds ni VP Sara nga ginsumite sa Commission on Audit (COA).
“We requested PSA and the NBI to also verify not only yung mga kuwestyonableng acknowledgement receipts but to examine also forensically if this signature specimen are actually signed by one and the same person,” pahayag ni Adiong.
Gin-aku ni Adiong nga owa pa nanda nausisa it mayad ag detalyado ro mga entry nga may pangaean nanday Diokno ag Rivera.
Nagguwa ro pangaean it daywa base man sa mga viral reports nga nagahambae nga kaibahan sanda sa nagbaton it pondo.
