KALIBO, Aklan–Ro heart attack hay tuga it bara sa ugat it atun nga tagipusuon.
Masami nga nakakabatyag it chest pain ro mga tawo nga nakaka-eksperyensya it atake sa tagipusuon.
Suno kay Dr. Michael Vic Beluso, sangka Internal Medicine-Adult Cardiology nga ro risk factor kun may heart attack hay kun may hypertension ukon highblood, diabetes, pagpanigarilyo, obesity ag stress.
Mag-euwas sa pagpabilin it healthy lifestyle ag balanseng diet, ro paglikaw sa heart attack hay posibleng nagakahueogan it pagpaidaeom sa surgery kapareho it coronary artery bypass grafting (CAGB) ukon angioplasty.
Raya hay depende sa lebel it kondisyon ag family history it pasyente.
Kinahang-ean sigon nga amligan ro tagipusuon agud nga makalikaw sa anumang baeatian nga posibleng magtuhaw.
Importante man suno kana ro insigidang pagpakonsulta sa doktor engkaso nga makabatyag it anumang sintomas it pagpaeanakit it dughan agud nga mataw-an it nagakaigo nga medikasyon.
Ro simpleng pagbalewala sa gina-angkon nga sakit sa eawas hay posibleng magresulta sa paggrabe it kondisyon.
