Ginpahayag it China ro gulpiyadang grabeng pagtaas it kaso it COVID19 sa mga ospital sa sang dominggo hasta hanggang 15 maghalin tag nag-umpisa ro pandemya, suno sa report it World Health Organization.
Suno sa World Health Organization nga ginahueat kara ro detalyadong datos it nasyon sa haeos 60,000 nga dugang nga mga namatay sa ospital nga may kaangtanan sa COVID19 nga ginpahayag it China ko nagtaliwan nga dominggo ag owa raya gin-eakip sa andang tally.
Sandig sa datos nga ginsumite it Beijing, ro numero it mga tawong naospital nga may sakit sa China hay nagtaas it 70% sa 63,307 kumpara sa mga nakataliwan nga dominggo.
Kung madumduman, tag unang parte it Disyembre, gulping tinapos it Beijing ro hugot karang mga restricitions ag lockdown pagkatapos it maeapnagon nga mga protesta tag ulihing parte it Nobyembre, ag umpisa kato ro mga kaso hay tumaas pa sa bilog nga nasyon.
