Haum nga pagabuligan it China ro Marcos administration sa pagsabat it kakueangan ag pagtaas it presyo it mga produktong petrolyo sa nasyon.
Suno kay Chinese Ambassador Huang Xilian raya hay matapos nga gin-anunsiyo ni President-elect Ferdinand Marcos Jr nga andang temporaryong pagaserbihan ro Department of Agriculture (DA) para masabat ro severe food security sa nasyon.
Nag-istorya sigon si Chinese President Xi Jinping ag President-elect Marcos Jr ku nagtaliwan nga buean tag nagpaabot raya it pagtamyaw kung siin may kaeakip rayang sangka testamento it political determination it daywang nasyon para magka-angkon it mas mapg-on nga relasyon.
Suno man kay Deng Jun, president of the Chinese Enterprises Philippines Association, mas mapabaskog pa ro kooperasyon sa tunga it Pilipinas ag China pag-abot sa agrikultutra pamaagi sa pag-engganyo it maabu nga investors ag pag-introduce it Chinese agriculture technologies.
