KALIBO, Aklan—Pormal eon nga nai-turn over ro an-om nga unit it electric All Terrain Vehicle (ATV) sa mga enforcers ag responders sa isla it Boracay.
Ro seremonya hay ginpangunahan nanday Malay Acting Mayor Frolibar Bautista, People’s Republic of China Liaison Officer Peter Tay ag CEO it Boracay Fire Rescue and Ambulance Volunteers (BFRAV) nga si Leonard Tirol.
Daywa sa electric ATV hay ginta-o sa BFRAV samtang tig-sangka unit ro Philippine National Police (PNP), Philippine Coast Guard (PCG), Malay Auxiliary Police ag Beach Guard.
Ginpasaeamatan man raya it mga nasambitang taeatapan kapin pa ag mabahoe sigon raya nga bulig sa pagpatuman it patakaran ag regulasyon sa isla kamana man agud nga mas pang mapabaskog ro police visibility ag pagpatrolya sa beachline it Boracay.
Mag-eowas sa mga electric ATV, ginaeaumang magadonar pa ro China it jet ski sa 2020.
