KALIBO, Aklan–Nagapabilin nga agresibo ro gobyerno it China sa pag-implementar it ‘Zero COVID Policy’.
Suno kay Bombo International Correspondent Antet Meren nga gusto it andang gobyerno nga madasig nga matapna ro pagkalhit it virus.
Engkaso sigon nga makalista it maskin sambilog nga kaso sa sangka distrito hay insigidang gina-lockdown ro lugar.
Sa kamatuoran suno kana hay maabu pang mga distrito sa China nga nakakalista it kaso it COVID-19 infection.
Apisar nga nagbukas eon ro mga restaurant nagapabilin gihapon nga limitado ro operasyon kung siin take out eamang ro ginapasugtan.
Maskin ro mga bar hay lmitado eamang ro oras ag guest nga ginapasugtan nga magsueod.
Samtang, gina-required man sa empleyado nga magpaidaeom sa swab test kada 72 oras kung siin ro maga-positibo hay insigidang gina-quarantine it pito hasta napueong adlaw.
Sa makaron hay padayun gihapon ro hugut nga pagpatuman it health protocols sa China.
