Samtang nagahimo man it joint maritime patrols ro PH kaibahan ro 4 nga iba pang nasyon kahapon nga Sabado, gin anunsiyo man it China nga naghimo raya it naval drill maeapit sa Scarborough shoal sa mismong adlaw.
Suno sa Southern Theater Command it China, gin organisa kara ro andang naval ag air forces para maghimo it routine reconnaissance, early warning ag sea-air patrol exercises maeapit sa mismong shoal nga tinawag it Beijing nga Huangyan Island.
Gin akusahan man kara ro pila sigon nga individual external countries nga nagapalala sigon it tensiyon sa disputed waters nga maghimo it instability sa rehiyon.
Magapabilin man sigon nga nakataas ro alerto it andang tropa, para depensahan ro soberaniya ag maritime rights it andang nasyon ag committed sa pagpabilin it katawhayan ag stability sa disputed waters.
Ro mismong Scarborough shoal, nga gintawag man nga Panatag shoal ag Bajo de Masinloc hay sa 124 nautical miles halin sa Palawan nga nagasirbing traditional fishing ground para sa mga Pilipinong mangingisda apang bangod sa pagharang it mga barko it China sa sangka bukana sa lagoon it shoal, nalimitahan ro access para sa mga pamueoyo naton nga mangingisda imaw man sa iba pang mga nasyon.
