Ginpaandaman it China ro Pilipinas ag US nga ro andang kooperasyong militar hay indi dapat makadaeasa sa interes kara, kaeakip ro mga una sa West Ph Sea.
Ro nasambit nga pagpaandam hay ginpaabot kasunod it pagpasanyog it Manila ag Washington sa mga pagpanikasog nga protektahan ro soberanya it Pilipinas kontra sa mga pagpang-aku it Beijing sa gina-aeagawan nga kaeawran.
Ginpahayag ni Wang Wenbin, tagapaghambae it Chinese Foreign Ministry, nga ro pag-ieislan ag pakigbuligan it mga naeakot nga nasyon hay indi dapat mag-target sa anumang ikatlong partido ag dapat nga nakakabulig sa rehiyon, katawhayan ag kapag-onan.
Suno pa kana nga ro kooperasyong militar it Pilipinas ag US hay indi dapat mag-intra sa mga alitan sa West Ph Sea.
Raya hay kasunod it pagpaeapad it daywang nasyon sa andang alyansang militar bilang sabat sa padayon nga agresibo ag incursive nga aktibidad it China sa West Philippine Sea nga sangka ginakilaeang internasyonal nga kaparte it teritoryo it Pilipinas.
Ro mga pagbaisan sa nasambit nga kaeawran hay nagapadayon, apisar sa konteksto it West Philippine Sea, sangka 2016 Arbitral Award ro nagdesider nga raya hay kaparte it exclusive economic zone (EEZ) it Pilipinas.
Una eon nga ginpahayag ni Department of Foreign Affairs (DFA) Secretary Enrique Manalo nga ro alyansa it daywang nasyon hay sangka instrumento eamang it katawhayan.
