Nagpatuman it pag-ban ro China it mga “goods and products” maghalin sa Taiwan.
Ginhimu rayang tikang it nasyon kasunod it ginhimu nga pagbisita ni US House Speaker Nancy Pelosi.
Gin-anunsiyo it China’s Commerce Ministry ro immediate ban it mga citruit fruits, daywang klase it fish ag sand imports maghalin sa Taiwan.
Gin-ban man umpisa ko Miyerkules ro iba pang mga produkto kapareho it mga biskwit ag confectionary.
Madumduman nga ro Taiwan hay may madaeom nga relasyon pang-ekonomiya sa China, nga nagaboue it haeos kapin sa 30% it mga pag-export kara ag ro pinakamabahoe nga kasosyo kara sa kalakalan.
Nauna eon nga nagpaandam ro China nga magabayad ro US bangud sa ginhimu ni Pelosi.
Samtang, ginpahayag man ni Pelosi sa parliament it Taiwan nga gusto nana nga dugangan ro parliamentary exchanges sa tunga it US ag Taiwan.
Ginpahayag man kara nga ro US bill on computer chips- nga makakita it mabahoe nga kapital it US sa domestic semiconductor manufacturing ag science research hay makabig nga sangka manami nga kahigayunan para sa masobra pang pakigbueoligan sa Taiwan.
