Nabuoe it China ro unang ginto sa Paris Olympics, samtang nagabunok ro uean sa opening ceremony nga nakaapekto sa bilog nga adlaw it sporting action.

Nasungkit it Chinese divers nga sanday Chang Yani ag Chen Yiwen ro unang Olympic gold sa andang karera sa manami nga kadaeag-an sa women’s synchronized three-meter springboard final.

Si Chang ag Chen hay uwa it kapares sa mga pangkalibutang diving event ko nagtaliwang mga dinag-on, nga nagdaog it ginto sa tatlong sunod nga World Championships ko 2022, 2023 ag 2024.

Pinahaba nanda ro daeagan it pagdominar sa Olympic arena, nga nangin madinaeag-on sa kabilugang 337.68 puntos. Apang naka buoe man it silver ro American duo nga sanday Sarah Bacon ag Kassidy Cook, nga may 314.64pts.

Nagdaog it bronze sanday Yasmin Harper ag Scarlett Mew Jensen it Britain nga may kabilugang 302.28 nga puntos.