Ginsinundan it China navy ro joint sea ag air activities it Pilipinas kaibahan ro Australia, Japan, ag New Zealand sa West Philippine Sea, suno sa Armed Forces of the Philippines (AFP).
Gin-organisa it China’s People Liberation Army Southern Theater Command ro anda nga mga naval ag air forces para sa routine reconnaissance, early warning, ag sea-air patrol exercises maeapit sa Bajo de Masinloc (Panatag, Scarborough Shoal) ko Sabado, kadungan it Multilateral Maritime Cooperative Activity (MMCA) kung siin nagselebrar it drills ro naval ag air force units it Pilipinas, Australia, Japan, ag New Zealand sa northern Luzon nga sakop it West Philippine Sea.
Suno kay AFP spokesperson Col. Francel Margareth Padilla, nga namonitor it militar it Pilipinas ro mga barkong pangkaeawran it Tsina sa palibot samtang ginhimo ro exercise apang ginapamilit nga ro multilateral exercise hay nagpadayon man suno sa plano nga uwa it anumang pagsueod ag uwa ginbutang sa piligro ro mga barko it mga kaeahok nga nasyon.
Ginpadaea it AFP ro BRP Antonio Luna (FF151), BRP Emilio Jacinto (PS35), sangka AW109 helicopter, ag mga asset it Philippine Air Force Search and Rescue (SAR) sa multilateral exercise kaibahan ro USS Howard (DDG83) it US Navy, HMAS Sydney (D48) it Australia, JS Sazanami (DD113) it Japan, ag HMNZS Aotearoa (A-11) it New Zealand.
Kaibahan sa mga aktibidad ro pre-sail briefing, communication exercises (COMMEX), cross-deck exercises, division tactics/officer of the watch (Divtacs/OOW) drills, photographic exercises (PHOTOEX), replenishment ag sea (RAS) approaches, maritime domain awareness (MDA) exercises, ag contact reporting, tanan hay dinisenyo agopd nga pabakuron pa ro operational readiness ag collaborative capabilities.
