Nagpaguwa uman it pagpaandam ro China sa Taiwan nga haum rayang gamitan it puwersa kung kinahangean.
Ginpahayag it China ro pagpaandam matapos ro kontrobersiyal nga maeapnagon nga war games sa palibot it teritoryo it Taiwan.
Gin-insister it China nga owa sigon sanda it zero tolerance sa mga “separatist activities” ukon tikang nga maging independent ro Taipei.
Sa unang kahigayunan, nagpaguwa sa makaron ro China Taiwan Affairs Office it white paper para iplastar ro andang mga plano sa uman nga pagboue sa isla pamaagi sa mga economic incentives ag military pressures.
Sa pihak kara, pagaeawigon man sigon it China ro tikang para matigayon sa gihapon ro matawhay nga reunification nanda.
Apang sa makaron, posible sigon nga paggamit it puwersa kung kinahangeanon.
Samtang, nasayuran nga ulihing nagpaguwa it white paper ro China kontra sa Taiwan hay masobra sangka dekada eon nga nagtaliwan ukon ko dag-ong 2000 pa.
Sa pihak it pagpaandam it China, nagpromisa man sigon raya it mga tikang para sa pag-umwad it Taiwan, kaeakip eon ro seguridad ag dignidad kung matapos eon ro reunification.
