Dumipensa ro Chinese Embassy sa Maynila angot it paggamit it water cannon it China Coast Guard (CCG) kontra sa mga barko it Pilipinas ku Mayo 21, Miyerkules.
Suno sa embahada, nagsueod sigon ro mga barko it Pilipinas sa “adjacent waters” sa palibot it bahura it China nga uwa it kasugtanan, kaya ginpatigayon it China ro “nagakaigong law enforcement measures.”
Ginbatikos it embahada ro pagkondena it ibang nasyon sa insidente ag ginengganyo ro mga dumueuong nga embahada nga i-verify anay ro impormasyon antes mag-tao it pahayag.
Apang, suno sa mga Ambassador nga nakabase sa Maynila, base ro andang mga pahayag sa United Nations Convention on the Law of the Sea (UNCLOS) ag sa 2016 arbitral ruling, nga nagpaduea it bisa sa maeawigang pag-aku it China sa West Philippine Sea (WPS), kaibahan eon ro Sandy Cay nga sakop it teritoryo it Pilipinas.
Samtang, ginpahayag it National Maritime Council (NMC) nga magadihon ro Pilipinas it diplomatic actions, kaibahan ro multilateral cooperation ag maritime capacity-building, para masiguro ro kaeuwasan ag pagiging epektibo it mga operasyon sa kaeawran.
