KALIBO, Aklan — Pagahugtan it lokal nga gobyerno it Malay ro pag-regulate sa mga establisimentong ginapanag-iyahan it mga Chinese sa isla it Boracay sa mga masunod nga mga inadlaw .
Raya hay kasunod it pagsueputan it mga Chinese establishments sa isla, kun sa siin ro iba kara hay owa it English ukon Filipino signages.
Suno sa LGU-Malay nga kinahangean nga may ginabuytan nga nagakaigo nga lisensiya ag permits ro mga Chinese establishments kamana man ro employment status it andang mga Chinese workers.
Nauna eon nga ginpahayag ni Interior Undersecretary Epimaco Densing III nga magabilog sanda it sangka ad hoc committee nga maga-imbestiga sa nasambit nga isyu nga ginaeakipan it mga representante halin sa LGU-Malay, Department of Labor and Employment, Department of Justice, Department of Trade and Industry ag Boracay Inter-Agency Task Force.
