KALIBO, Aklan–Malinong ag owa it kung ano man nga pahayag ro Chinese government angot sa statement nga ginpagguwa it World Health Organization ukon WHO nga ro paniki ro unang ginasuspetsahan nga naging rason it pandemic nga coronavirus disease (COVID-19).
Kamatuoran kara, ro mga dating nagakalhit nga sakit kapareho it Severe Acute Respiratory Syndrome (SARS), Middle East Respiratory Syndrome (MERS) ag Ebola hay ginapanan-aw man nga ro mga panik ro naging rason kara.
Suno kay Bombo International Correspondent Mr.Antet Meren ag presenteng nagatrabaho sa Hangzhou, China nga sa makarun hay balilk eun sa normal ro pagpangbuhi sa China.
Owa man it may nagakalhit pang balita angot sa nauna eun nga naging pahayag it WHO bangud nagapati sanda nga owa raya it kompleto nga basehan.
Dugang pa kara nga masobra sang buean eun sandang owa nakalista it kaso it covid-19.
Bukon eun man it mandatory ro pagsuksok it face mask.
Samtang, nagbukas eun man ro mga eskwelahan ag gihaeugaan eun ro mga restrictions.
Indi eun kinahangean pa nga magpaidaeum it 14 days nga quarantine period ro mga indibidwal nga nabakunahan eun it COVID-19 vaccine nga himo it China.
