KALIBO, Aklan—Nagpanguna ro Chinese sa mga foreign tourists nga nagbisita sa isla it Boracay sa buean it Agosto 2019.
Base sa record it Provincial Tourism Extension Office sa Caticlan jetty port, kapin sa 43,963 ro kabilugang numero it mga turistang Chinese nga nagbakasyon sa sikat nga isla halin it Agosto 1 hasta it 31 it presenteng.
Ginsundan raya it mga dumueoong turista halin sa Korea nga umabot sa 38,791.
Nagpangatlo sa listahan ro Taiwan nga nakalista it 3,837; Saudi Arabia nga umabot sa 1,355 ag Japan nga may numerong 1,237.
Samtang, nagaeaum man ro Aklan Provincial Government nga madugangan ro numero it mga lokal ag dumueoong turista nga magabisita sa sikat nga tourist destination sa bilog nga kalibutan.
Halin Enero 1 hasta it Agosto 31, ro tourist arrival sa Boracay hay una sa 1,480,445 na.
