Nag-abot eon sa Hong Kong si Chinese President Xi Jinping.
Raya hay para magtambong sa ika-25 nga anibersaryo it pagpasa-alima it Britanya sa China ro Hong Kong.
Ro nasambit nga pagbiyahe it Chinese president hay ro unang beses nga pagguwa kara sa China matapos ro masobra daywang dag-on bangud sa COVID-19 pandemic.
Sakay it high-speed train si President Xi kung siin, ginsug-aeaw imaw it mga estudyante nga may buyot nga bueak ag bandera it China ag Hong Kong.
Naging hugut ro seguridad sa convention center kung siin ginhiwat ro programa ag nagpatuman sanda it mga no-fly zone.
Nakasalamuha kara si outgoing Hong Kong chief executive Carrie Lam ag incoming John Lee.
Ginaeauman nga paga-saksihan ni Xi ro transition of power it bag-ong lider it Hong Kong.
