Gina-angot it Philippine Drug Enforcement Agency (PDEA) sa sangka Chinese Drug Triad ro sa likod it ginbagsak nga tone-toneladang shabu nga nakit-an it mga mangingisda sa kaeawran it Pangasinan ag Ilocos Sur.
Suno kay PDEA Director General Isagani Nerez, ro packaging it shabu packs nga nakabutang sa mga teabag hay may Chinese markings nga signature trademark it sangka triad.
Hasta ko Hunyo 8, nakarekober ro PDEA, Philippine Coast Guard, Philippine National Police, Philippine Navy, ag National Bureau of Investigation (NBI) it 1,013 kilo it shabu nga nagabalor it P6.89 bilyon.
Nadiskubre it mga mangingisda ro floating shabu umpisa ko Hunyo 5 sa coastal areas it Dacap Sur, Bani; Boboy ag Macaboboni, Agno; ag Luciente I, Balingasay, Concordia ag Poblacion, Bolinao, tanan hay makit-an sa Pangasinan.
May una man nga nakita sa Barangays Mantanaz ag Dili sa Sta Cruz, Ilocos Sur.
Sa makaron hay may nailistang kabilugan nga 39 turnover incidents ro ginpatigayon it mga mangingisda ag residente sa mga nakit-an nga floating shabu.
“Our fishermen, despite the risks, chose the country over fear. They are the true heroes in this relentless fight against drug smuggling.”pahayag ni Nerez.
