Ginpasidunggan it National Commission for Culture and Arts (NCCA) ro local dance group nga Choreo N’ Cream.
Suno sa grupo, uwa nanda gina-ekspektar nga mapasidunggan sanda it 2026 Ani ng Dangal Awards bangud nga raya hay nababaton sigon it mga batikan nga artists sa Pilipinas.
Raya hay matapos nga gin-nominate sanda it Aklan Historical and Cultural Society, Inc. matapos nga mag-daog sa World Supremacy Battleground ag ginrepresenta ro Pilipinas sa internasyonal nga entablado.
Paathag it grupo, nabilog ro andang grupo ku tyempo it pandemic kun sa siin ginsakatuparan it daywang lider ro andang kagustuhan nga mag-bilog it grupo nga bag-o pamatian sa publiko.
Tuyo sigon it andang grupo nga ipakita ro andang talent ag art sa kaugalingon nga pamaagi.
Dugang pa kara, masadya sanda nga natataw-an sanda it kahigayunan nga i-representa bukon eang ro probinsya it Aklan kundi pati eon man ro bilog nga nasyong Pilipinas.
