Uman nga ginpili it Samahang Basketbol ng Pilipinas (SBP) ro PBA choach nga si Chot Reyes nga buytan uman ro Gilas Pilipinas sa nagahilapit nga 2022 FIBA Asia Cup.
Una nga magasabak eon sa hampang ro Pilipinas sa masunod nga Miyerkules sa Indonesia kung siin maka-engkwentro ro mabaskog nga team nga Lebanon.
Makaibahan man ni Reyes bilang mga assistant coaches sanday Nenad Vucinic, Jong Uichico, ag Sandro Sorian.
Nasayuran nga si Vucinic ro nag-coach sa national team sa third window it FIBA World Cup Asian Qualifiers kung siin nagtapos sa 1-1 record ro Pilipinas.
Si Reyes man hay nagpanguna sa basketball team it nasyon sa 31st Southeast Asian Games sa Vietnam kung siin sa unang kahigayunan hay napaseawan ro mga Pinoy nga masikyar ro gold medal ag sa pihak hay nakaboue raya it silver meda.
