KALIBO, Aklan—Ginpasidunggan it Sangguniang Panlalawigan it Aklan ro pambato it probinsya nga si Christelle Abello sa kakatapos eamang nga Miss Universe Philippines 2021.
Nagpasaeamat man ro daeaga sa gintao kana nga pagkilaea it mga opisyales it probinsya.
Suno kay Abello, mabahoe nga bugae ag dungog para kana ro pag-representa sa Aklan sa prestihiyosong beauty pageant sa nasyon.
Matueopangdan nga ginrepresenta kara ro probinsya sa sueod it daywang magkasunod nga dag-on para sa pag-angkon it korona sa Miss Universe Philippines.
Nagtapos ro kampanya ni Abello bilang top 16 sa ginhiwat nga koronasyon ko nagtaliwan nga buean it Setyembre.
Sa pihak kara, ginpromisa ni Abello nga padayun gihapon nana nga pagadaehon ro pangaean it probinsya maskin siin man imaw mag-adto.
