-- ADVERTISEMENT --
Business News ——Ginkumpirma it Government Service Insurance System (GSIS) nga igapaguwa eon nanda ro kapin sa P3.3 bilyong balor it cash gifts para sa mga pensiyonado umpisa makaron nga adlaw, Disyembre 1.
Ginpahayag ni GSIS President Rolando Macasaet, nga makabaton eon ro mga pensioners it Christmas Gift nga nagabalor it sang buean nga pensiyon.
Ro mga nakabaton it masobra sa P10,000 ko 2019 hay magabaton man makaron nga dag-on it P12,600 cash gift.
Kaibahan sa makabaton it Christmas cash gift ro mga retirado ag disability pensioners it GSIS nga regular nga nakakabaton it bueanang pensyon ag buhi pa.
