Ginbulgar sa ika-14 nga pagpamati it impeachment trial ni Vice President Sara Duterte ro mga aktibidad nga gin-gamitan it confidential funds ng Office of the Vice President (OVP) ku Disyembre 2022.
Base sa testimonya ni Xylene Mae Del Ocampo, supervising auditor it COA-ICFAO, kaibahan sa mga nakalistang aktibidad ro appreciation events, Christmas activities, consultation and update meetings, tree planting, pagpana-o it wheelchair ag medical missions nga ginpatigayon ku Disyembre 13 hanggang 31, 2022.
Naging isyu sa pagpamati ro petsa it paggamit it pondo bangud Disyembre 21, 2022 pa ginpaguwa ro nagakaigong cash advance.
Suno sa audit rules nga gintalakay sa pagpamati, indi pwedeng gamiton ro confidential funds para i-reimburse ro mga gaeastusong nauna eon nga nahimo antes ro pagguwa it pondo.
Samtang, ginsumite it OVP sa COA ro mga dokumentong naga-suporta sa 105 aktibidad nga ginpatigayon ku Disyembre 13 hasta 31, 2022 bilang parte it sabat kara sa notice of suspension angot it paggamit it confidential funds.
