“Christmas star” nga kon amat eamang sa 800-years kon makita, masaksihan umpisa sa Dec. 21, 2020

Balitang Espesyal———Sa tumaeagsahon nga kahigayunan hay makit-an  sa kaeangitan  umpisa sa  Disyembre 21 ro ginatawag nga  “Christmas star.”

Suno sa mga eksperto kon amat eamang  raya nga makita, kun  sa siin  sa sueod it  800-years hay masaksihan ro pagkinang  it nasambit nga  “Christmas star.”

Nagakatabu sigon raya kon naga-hilera ro daywang  higanteng planeta nga Jupiter ag Saturn halin sa kalibutan.

Posible sigon nga makita ro “Christmas star” sa tiempo nga magtunod ro adlaw umpisa sa  December 21, pilang adlaw antes  ro selebrasyon it pagkatawo ni Hesus.

Suno  sa mga eksperto, makabulig ro mga teleskopyo ag mga kaparehong  gamit para mas klaru nga makita ro tumaeagsahon nga hitabu.