KALIBO, Aklan–Kakaiba ro naging estilo it sangka Aklanon agud nga makapaabot it inspirasyon makarun nga tyempo it kapaskwahan.
Naghimo it christmas tree gamit ro mga ilimnon nga may nakasueat nga “Drink or never” si Stephen Selorio, residente it Brgy. Sta Cruz, Lezo.
Suno kay Selorio nga bangud sa pandemic hay gusto nana nga magtao it mensahe sa publiko nga punduhon eun ro pag-inom it eaeak ukon indi man hay dapat may tama nga pag-kontrol sa pag inom kara.
Tuyo kara nga pukawon ro gobyerno ag simbahan nga makaangkon it programa agud mabuligan man ro mga ama sa andang ginatago nga baeatyagon nga masami hay ginapautwas eun lang pamaagi sa pag-inom it aeak.
Ginbutangan na man raya it mga botelya nga ro mensahe hay puro pag-engganyo sa mga manginginom nga punduhon eun ro pagiging addict sa alcohol.
Nasayuran nga sa makarun hay nag-viral eun sa social media ro post ni Selorio kung sa siin makit-an ro litrato it anang ginhimo nga “christmas tree para sa mga paeahilong”.
