KALIBO, Aklan—Ginkasuhan it Criminal Investigation Detection Group ukon CIDG-Aklan ro Municipal Social Worker Development Office ukon MSWDO head it banwa it Malinao.
Base sa nabueo nga impormasyon it Bombo Radyo, nagreklamo sa Malinao Police Station ro ap-at ka kapitan sa nasambit nga banwa kaangot sa ginaalegar nga may ginpasueod si MSWDO head Evelyn Yerro sa Social Amelioration Program ukon SAP bilang benepisyaryo nga bukon it kwalipikado sa nasambit nga programa it gobyerno.
Bangud kara, gilayon nga ginrefer it Malinao PNP ro mga kapitan sa CIDG kon sa siin idto sanda nagta-o it affidavit agud nga mapatud-an ro andang reklamo kontra sa nasambit nga empleyado it Malinao Local Government Unit./
Sa pag-imbestiga sigon it CIDG, napamatud-an ro reklamo it mga kapitan rason nga nagdihon sanda it kaso kontra sa empleyado agud nga mapasabat sa ana nga ginhimo nga klarong sangka mabahoe nga pag-eabag sa naga-eksister nga laye.
Nasayuran nga naga-isaeahanon si Yerro sa bilog nga Western Visayas nga miyembro it MSWDO nga ginkasuhan it CIDG kaangot sa maanomalyang pagpanupod it cash assistance sa idaeom it SAP.
