KALIBO, Aklan—Nagaeum ro Department of Public Works and Highways (DPWH) nga mapahagan-hagan ro mga pagbaha sa isla it Boracay matapos buksan ro phase 2 it circumferential road project sa isla.
Suno kay DPWH Secretary Mark Villar, nataeupangdan sigon nanda ro madasig nga pag-subside it tubi sa mga baeahaon nga lugar sa isla kasunod it naexperiensiyahan nga mga mabaskog nga bubu it uean ko nagtaliwan nga mga inadlaw.
Sa makaron hay bukas eon sa mga motorista ro phase 1 ag 2 it proyekto ag ginaeauman nga sa dag-on 2022 hay matapos eon ro nabilin nga phase 3 it proyekto nga ginatantiyang may habang 11 kilometro.//Sa nasambit nga proyekto, ginhimo raya nga konkreto, mas ginpaeapad ro karsada, ginbutangan it drainage system, street lights, road safety markings ag ginpaeapad pa ro pedestrian sidewalk.
Dugang pa ni Sec. Villar sa tiempo nga makumpleto eon ro nasambit nga proyekto, ginaeauman nga maga-abot eang sa 40 hasta 45-minuto ro biyahe halin sa Cagban Port sa Brgy. Manocmanoc hasta sa Ilig-Iligan Beach sa Brgy. Yapak halin sa presenteng sang oras ag 30 minuto.
