KALIBO, Aklan—Mabahoe nga bulig sa turismo ro natapos eon nga konstruksyon it Boracay circumferential road.
Sa interview it bombo news center, ginpahayag ni Department of Public Works and Highway Secretary Mark Villar nga magiging mas madali eon ro pagpamasyar ag paglibot it mga turista sa nagkaeain-eain nga tourist spots sa bilog nga isla bangud kara.
Natapos eon sigon nanda ro mga naaywan nga parte it proyekto sa may Elizalde property ag ro pagkaayad sa 1.4-km nga daean halin sa Tambisaan Port hasta sa Rotonda.
Nakataeana sigon nana nga inspeksyunon ro nasambit nga proyekto.
Sa pihak nga parte, ginpahayag pa ni Sec. Villar nga sa pagbukas it Aklan Bridge ko enero it makaron nga dag-on, ro ginakabig nga pinakamabahang tulay sa bilog nga Western Visayas, nabawasan ro oras it pagbiyahe nga halin sa dating 90 minutos hay naging 45 minutos eon lang sa mga turistang magabakasyon sa Boracay halin sa Kalibo hasta sa Caticlan, Malay.
