KALIBO, Aklan—Umpisa sa Lunes nga adlaw, Mayo 22 hasta sa Hunyo 21 it makaron nga dag-on hay magabaton eon ro Civil Service Commission (CSC)-Aklan field office it aplikasyon para sa mga gustong magbo-oe it August 20, 2023 Career Service Examination-Pen and Paper Test para sa parehong Professional ag Subprofessional Levels.
Angot kara, ginpadumdum ni Ferdinand Macogue, supervising human resource specialist it CSC-Aklan field office nga ro pagbaton it applications hay ‘first-come, first-served basis’.
Magadepende ro quota sa total number it examinees nga ma-cater it mga eskwelahan nga ginagamit sa eksaminasyon.
Apang kon maabu ro numero it applicants hay posibleng madugangan ro eskwelahan nga pagagamiton nga testing centers nga pagadesisyunan it local examination committee chairman ag CSC Aklan provincial director Leo Jamorin.
Makipag angot sigon sa andang taeatapan para sa schedule ag venue it pag-file it application.
Ginpahayag dugang nga may limitasyon ro pag-file it application nga dapat nga owa nakabo-oe it kaparehong level it eksaminasyon sa nagtaliwan nga tatlong buean.
Ro examination fee hay nagapabilin sa P500 pesos sa parehong level it exam.
