Ginkontra ni National Security Adviser Eduardo Año ro mga nagakalhit nga impormasyon sa Chinese social media nga nagahambae nga dating parte it China ro Palawan ag dapat sigon rayang ibalik kanda, ro nasambit nga impormasyon hay uwa it basehan ag sangka klase it “revisionism”.
Sa sanka pahayag, hinambaeg ni Año nga ro nasambit nga claim hay “tahasang pabrikasyon” nga nagatuyo nga ibahon ro kasaysayan, linlangon ro publiko, ag hangkaton ro soberaniya it Pilipinas sa Palawan nga sangka lehitimo ag ginakilaeang teritoryo it nasyon. Ginpamilit it opisyal nga uwa it historical record, legal precedent, ukon ebidensiyang masaligan nga nagasuporta sa claim nga ro Palawan hay dating ginadumaeahan it China.
Klaro sigon ro pamatuod sa panag-iyahan it Pilipinas ro archaeological findings, indigenous ag colonial governance, ag internationally binding treaties kapareho it 1898 Treaty of Paris ag 1900 Treaty of Washington.
Ginpamaeabagan man ni Año pag-konekta sigon it Palawan sa pangaean ni Zheng He, sangka Chinese explorer ku ika-14 ag ika-15 siglo, nga ginahambae nga naglakbay sa Southeast Asia. Apisar sigon nga bumisita raya, indi mabag-o ro soberaniya it Pilipinas sa isla.
Dugang pa it opisyal, ginaimbestigahan eon it National Security Council (NSC) ro ginumpisahan it maling impormasyon, nga eumutaw sa mga Chinese social media apps.
Hinambae man nana nga uwa it ebidensiya nga naghalin raya sa opisyal nga mga government site ukon sa Chinese mainstream media outlets.
Ginaengganyo man ni Año ro publiko ag ro international community nga maging mapagmatyag kontra sa mga disinformation campaign ag magsalig eamang sa verified historical ag lehitimong sources.
