KALIBO, Aklan — Mas ginpabaskog pa it Highway Patrol Group ukon HPG-Aklan ro andang clearing operations maskin nga natapos eon ro “60 days” nga deadline nga gintaeana it Department of Interior and Local Government ukon DILG.
Suno kay P/Staff Sgt. Rainier Bartolome it HPG-Aklan nga tuyo kara nga mabatyagan it mga motorista ro instriktong pagpatuman it mga layi sa karsadahon .
Suno kay Bartolome nga ro andang operasyon hay nakatutok sa kaeowasan sa daean, paglimpyo it mga sagabal sa kalye ag sidewalks eabi eon sa banwa it Kalibo .
Ro clearing operation sigon hay nakasentro sa mga nagapangunang karsada nga kaeabanan nga maabu nga mga nakaparadang saeakyan ag motorsiklo sa mga ginabawae nga lugar.
Ginataw-an sigon nanda it notice of violation kon owa ro driver it saeakyan ag kinahangean nga bayaran ro multa sa Land Transportation Office ukon LTO.
Sa pihak nga parte, gindugang pa ni P/Staff Sgt. Bartolome nga nagpatigayon eon sanda it dry run para sa mga slow moving vehicle nga naga-agi sa national highway .
Maga-isyu sigon sanda it citation ticket sa oras nga makabutang it mga signages.
