KALIBO, Aklan—Maabo nga nasyon makaron ro nagapanawagan nga taw-an it nagakaigo nga igtueopangod ro nagakatabo nga climate change.
Raya hay kasunod it report it pilang grupo it mga scientist nga ro mga tawo ro may kahimuan it naga-grabe nga heatwaves ag pagbaha sa pilang ka mga nasyon.
Suno kay Rebecca Tandug, sangka environmentalist, ro Climate Change hay ro pagbag-o it klima ukon tyempo bangud sa pagtaas it mga greenhouse gases nga nagapainit sa kalibutan.
Dugang pa kara ro mga aso nga halin sa saeakyan hay nagatuga it polusyon sa hangin nga nagiging rason man it climate change.
Ro pagputoe it puno nga nagasupsop it carbon dioxide ro sambilog sa mga rason it cclimate change.
Ro climate change hay natural nga nagakatabo bangud sa nagkaeain-eain nga enerhiya nga nabibilog halin sa adlaw.
Base sa report it UN Intergovernmental Panel on Climate Change (IPCC) nga ko nagtaliwan nga limang dag-on hay nailista ro pinaka-mainit nga temperatura ag nagtaas man ro sea level kumpara ko 1901 hasta 1971.
Kamana man nga mabahoe ro impluwensiya it tawo sa pagkaduea it mga glaciers sa Arctic sea-ice kato pang 1990.
