Kalibo Aklan ——–Nakitaan it Department of Science and Technology (DOST) it ‘promising results’ ro clinical trials sa virgin coconut oil bilang food supplement agud nga makabulig sa pagpamayad it mga may una nga COVID-19 infections nga ginapatigayon sa Santa Rosa, Laguna.
Suno kay Science Secretary Fortunato Dela Peña, may una nga 40 nga volunteer-patients ro nagpasakop sa trials, kapin sa 10 eon lang ro nabilin sa Santa Rosa Community Hospital matapos mataw-an it treatment ag medical care.
Ginahueat eon lang sigon nga matapos ro trials para makumpleto ro analysis.
Plano it DOST Food and Nutrition Research Institute nga mag-enroll pa it maabung volunteers para sa trials.
Mag-eowas kara, gusto man it ahensya nga magpatigayon it clinical trials it virgin coconut oil sa iba pang ospital para mapadasig ro research ag development nga magsirbing pamatuod nga may una nga therapeutic claims ro virgin coconut oil kontra sa COVID-19.
Mag-eowas sa Santa Rosa Community Hospital, pagahiwaton man ro virgin coconut oil clinical trials sa University of the Philippines – Philippine General Hospital.
Nasayuran nga nagtaeana ro DOST it kapin sa ₱5 million pesos para sa nasambit nga clinical trials.
