BALITANG Espesyal — Sangka college student sa India ro nakalista it world record matapos imaw nga makapagsueat it libro sa sueod it siyam nga oras.// ginkumpirma it records keeping organization nga Guinness World Records nga si Rajdeep Kashyap ro pinakabag-ong record holder it titulong “Fastest Book Writing”.
Raya hay matapos nana nga masueat ro librong ‘Jonmo Prem Mrityu – Kisu Byogyanik Kisu Aaloukik’ (Birth Love Death – Some Scientific Some Supernatural) sa sueod eamang it siyam nga oras.
Sangka botany student si Kashyap sa Nalbari College ag naisipan nana nga mabo-oe ro nasambit nga world record kat mabalitaan ro angot sa sangka estudyante sa Rajasthan nga nakasueat it libro sa sueod it tatlong adlaw.
Ginpahayag ni Kashyap, mas gusto pa gihapon nana nga maging botanist ag paga-obrahon eamang nana nga hobby ro pagsueat.
