Nagpaandam ro mga eksperto sa pag-alaga it mata sa paggamit it colored contact lenses bilang fashion accessory, bangud sa posible raya nga magtuga it seryosong komplikasyon sa mata.
Suno sa mga ophthalmologist, pwedeng makaangkon it corneal infection, pagpanghaeok, dry eyes, gasgas sa cornea ag kakueangan it oxygen sa mata bangud sa saea nga paggamit ukon bukon it bagay nga contact lenses.
Mas mataas man ro peligro sa mga cosmetic lenses nga ginabakae nga uwa it reseta halin sa mga online seller, novelty store ag bukon it awtorisadong baligyaan.
Possible man nga magtuga it corneal ulcer ag permanenteng pagkabulag bangud sa malala nga impeksiyon.
Bangud kara, ginalaygayan ro publiko nga magpakonsulta anay sa ophthalmologist ukon lisensiyadong optometrist bago gumamit it contact lenses ag magbakae eamang sa lehitimong sources.
Eagi man nga magpatan-aw kon nakaeskeperyensya it pagpanakit, grabeng pamuea, discharge, sobrang pageoha, pagiging sensitibo sa mahayag, malabong pamantawan ukon pamatyag nga may nakasueod sa mata.
