-- ADVERTISEMENT --

KALIBO, Aklan—Nakataeanang magpatigayon it regional security conference ro Commission on Elections ukon Comelec sa Western Visayas sa petsa 22 it Marso agud nga maistoryahan ro may kaangtanan sa contingency preparation para sa paeaabuton nga May 2022 national and local elections.

Suno kay Mr. Crispin Raymund Gerardo, tagapaghambae it Comelec-Aklan ag  Election Officer  sa banwa it Kalibo  nga  tuyo it nasambitan nga hinun-anon nga maiplastar ro tanan nga mga tikang nga pagahimuon it taeatapan sa kada probinsya.

Ka-partner kara ro Philippine National Police ag Armed Forces of the Philippines.

Sa probinsya it Aklan sigon hay matawhay ro andang monitoring mag-euwas sa sangka banwa nga may mga barangay nga hugot nga  ginatutukan.

Sa makarun hay  sigidas sigon ro andang ginahimo  nga preparasyon para sa eleksiyon samtang  ro ibang mga kinahangeanon hay plastado eun.

-- ADVERTISEMENT --

Samtang,  makarun nga adlaw hay maga-umpisa  man sigon  ro last batch it  andang bubble para sa mga magaserbi nga electoral board.