Ginpahayag ni Commission on Elections Chairman George Erwin Garcia nga ginaplano eon nandang umpisahan ro COMELEC Academy kun siin raya hay ilalaan para sa mga personnel it poll body para mas matun’an pa nanda ag ma-ensayo sanda pag-abot sa mga ginaubra it poll body sa eleksyon.
Sa bulig it academy, matun’an nanda ro mga dapat matun’an sa eleksyon, liquidation, paalin sundon ro ethical standards para sa government employees, wordings it komisyon, guidelines ag regulations, accounting rules ag procurement laws.
Paagi man sigon raya it poll body para mas maging updated pa ro mga nagatrabahon sa taeatapan.
Sa makaron, ginaplano pa nanda sa pagdumaea ni Commissioner Ernesto Maceda Jr. kun ano ro pagaubrahon sa pagpatindog it imprastraktura ag mga kagamitan nga kinahangeanon para rikara. Angot kara, ginpamilit ni Garcia nga ro anumang problema sa gobyerno hay malikawan kun ro mga empleyado hay maayos nga naeensayo ag napag-aral sa mga dapat nandang masayuran sa sangka taeatapan.
