KALIBO, Aklan—Gindayaw it Commission on Elections ukon Comelec-Aklan ro sangka indibidwal nga nakaangkon it kabaskog it buot nga ireklamo ro sangka kandidato nga gina alegar nga nagpatigayon it vote buying.
Suno kay Chrispin Raymund Gerardo, tagapaghambae it Comelec Aklan nga padayun nga ginatinguhaan it komisyon nga matapna ro nagakatabu nga vote buying nga medyu nakasanayan eon kada eleksyon.
Raya ro rason suno kana nga ginlunsar it Comelec ro Task Force Kontra-Bigay agud nga malikawan ro vote-buying kada tiempo it kampanya.
Makabig sigon nga kanser it demokrsya ro pagpamakae it boto.
Sa pagtuhaw it nasambit nga complainant hay magaserbi raya nga leksyon sa iba pang mga kandidato nga bukon it tanan nga botante hay mabakae it kwarta.
Saludo man sigon imaw sa pag-ulikid kara sa kamaeayran it anang unga nga indi mahigkuan ro anang isip sa batang pang edaron.
