KALIBO, Aklan–Ginpasiguro it Commission on Elections (Comelec)-Aklan ro kahauman sa nakataeana nga final testing ag sealing activity sa Mayo 7 bilang preparasyon para sa nagahilapit nga national and local elections.
Suno kay Atty. Reinier Leyson, Acting Provincial Supervisor it Comelec-Aklan nga nakaplastar eon ro tanan nga plano ag seguridad it komisyon para masiguro ro maayos nga daeagan it eleksyon.
Suno kay Atty. Leyson, may ap-at ka mga polling precinct nga unang magapatigayun it final testing ag sealing it Vote Counting Machine (VCM) partikular sa banwa it Libacao.
Raya hay bangud nga may kaeayuon ro natungdan nga mga lugar.
Sa kamatuoran suno kana hay nagrequest sanda it air asset sa 3ID it Philippine Army sa pagdeliver it mga election paraphernalia sa mga maeayo nga lugar.
Ro pagpatigayun it final testing ag sealing hay sandig Republic Act 9269 nga tuyo nga masiguro nga ro mga makina hay naga-gana ag una sa maayos nga kondisyon antes ro eleksyon.
Bangud kara, gin-engganyo it komisyon ro partisipasyon it publiko ag tanan nga mga political parties nga magtambong sa nasambit nga aktibidad.
Ginpahayag pa ni Atty. Leyson nga ro mga participant sa final testing ag sealing it mga balota hay puwede nga mag-undervote, overvote, indi mag-shade it tama ag puwede nanda nga gisi-on ro balota kung siin dikara makit-an kun pagabatunon raya it VCM.
Pagkatapos it testing, ro mga VCM hay pagaselyuhan ag igakandado sa polling precinct.
