KALIBO, Aklan–Haeos 100 porsiyento eun nga haom ro Commission on Election ukon Comelec-Aklan para sa nagahilapit nga May 9 national and local elections.
Suno kay Mr. Chrispin Raymund Gerardo, election officer sa banwa it Kalibo ag tagapaghambae it Comelec-Aklan nga nagahueat eamang sanda makarun it mismong adlaw it eleksiyon.
Raya hay bangud preparado eun sigon ro tanan nga mga kagamitan para sa eleksiyon.
Kamatuoran sigon kara hay una eun sa paghinakop it mga katapo it kapulisan sa Aklan ro mga VCM ag official ballot nga pagagamiton it probinsya sa mismong adlaw it eleksiyon.
Samtang, nakataeana man nga magapatigayon it final testing ag screening ro Comelec-Aklan sa Mayo 7 agud nga masiguro nga makabatun ag makahuyap it boto ro mga makina nga pagagamiton.
May kaangtanan kara, uman nga nagpadumdom ro Comelec sa publiko nga maging preparado eun ag mag-ubra it listahan it mga kandidatong igaboto agud nga malikawan ro mahaba nga pila sa mismong adlaw it eleksiyon.
