KALIBO, Aklan—Preparado eon ro Commission on Elections ukon COMELEC-Aklan para sa nagahilapit nga national and local elections sa Mayo 12, 2025.
Suno kay Chrispin Raymund Gerardo, tagapaghambae it COMELEC-Aklan nga nasusunod man ro schedule it komisyon.
Sa makaron hay ginahueat sigon nanda ro pag-abot it official ballots ag Automated Counting Machines ukon ACMs nga pagagamiton sa eleksyon.
Dugang pa nga pagkatapos it training it mga manugturo nga magaserbi nga board of election inspectors hay nakataeana man nga paga-umpisahan ro training it mga magatindog nga provincial ag municipal board of canvassers sa maabot nga Abril 6 hasta 9.
Sa pihak nga parte, dugang pa ni Gerardo nga umpisa nga ginpatigayon ro campaign period sa mga local candidates ko Marso 28 hay nagapadayun raya nga maayos ag matawhay matapos nga owa sanda it nailistang anuman nga untoward incident sa bilog nga Aklan.
Ginpasiguro man it gintukod nga provincial joint security command center nga ginaeakipan it nagkaeain-eain nga law enforcement agency sa ginpatigayon nga command conference ro patas, maayos ag malinong nga eleksyon sa probinsiya nga eubus man nga ginapasaeamatan it komisyon.
Apela nanda ro bulig it tanan nga ipabilin ro status it Aklan nga green category kamana man ro pagiging insurgency free kara.
