Kalibo Aklan ———Bilang sabat sa panawagan it national government, uman nga ginpatag-uran it Commision on Election (COMELEC-Aklan) ro andang schedule it pagbukas ag pabatun it mga nagaparehistro para sa paeaabuton nga 2022 national and local election.
Suno kay COMELEC-Aklan spokesperson Chrispin Raymund Gerardo nga sa makarun hay bukas eamang sanda kada adlaw it Lunes, martes ag merkules umpisa alas 8:00 it agahon hasta alas 3:00 sa hapon.
Sarado man ro andang opisina kada adlaw it sabado ag byernes kamana man sa holiday.
Ginklaro man kara nga raya hay temporaryo eamang ag engkasong magtawhay eun ro sitwasyon hay uman nga magabalik ro andang dating schedule.
Nauna kara, uman nga nagpanawagan ro gobyerno nga limitahan anay ro schedule it nagkaeain eain nga taeatapan agud nga makontrol ro pagguwa it mga tawo tuga it nagatinaas euman nga kaso it coronavirus disease 2019 (COVID-19) sa nasyon.
