KALIBO, Aklan–Nagpadumdom ro Commission on Elections (Comelec) sa publiko nga magpa-rehistro eon eabi pa ag masobra daywang buean eon lang antes ro deadline para kara.
Nasayuran nga target it komisyon nga makaangkon it 7 milyong bag-ong rehistradong botante.
Suno kay Crispin Raymund Gerardo, tagapaghambae it Comelec-Aklan nga nagahimo ro taeatapan it mga tikang agud nga paeawigon ro kahigayunan it mga pumueoyo para magparehistro samtang ginasunod ro health and safety protocols kontra sa COVID-19.
Sambilog eon kara ro andang ginlunsar nga online registration para sa pag-inquire sa Comelec it mga aplikante nga gustong magpa-reserba it schedule kamana man nga dikara sanda nagatao it data pinaagi sa pag-encode.
Pagklaro ni Gerardo nga kinahang-ean gihapon it mga pumueoyo nga mag-adto sa opisina it Comelec para ipatigayun ro biometric.
Nag-apela man ro taeatapan sa publiko nga magpa-rehistro eon samtang temprano pa ag malikawan ro hassle sa nagahilapit nga deadline sa Setyembre 30.
