KALIBO, Aklan—Sang dominggo eon lang ro nabilin para sa mga gustong magpa-rehistro agud maka-boto sa 2022 national and local elections.
Bangud kara, padayun ro pag-engganyo it Commission on Election (Comelec) sa mga pumuoeyo nga kalitan eon ro nabilin nga oras antes ro nagahilapit nga pagtapos it voter registration sa Setyembre 30.
Suno kay Crispin Raymund Gerardo, tagapaghambae it Comelec-Aklan nga bangud sa paeag it COVID-19 hay ginpakamayad nanda nga makaangkon it mas mabahoe nga venue para sa pagahiwaton nga sang dominggong filing it Certificates of Candidacy (COC) nga maga-umpisa halin Oktobre 1 hasta 8.
Bangud nga limitado ro espasyo it andang opisina hay gindesisyonan sigon it Commission nga isaylo ro COC filing sa Aklan Catholic College gymnasium.
Dugang pa kara nga instrikto nandang pagasundon ro ginapatuman nga minimum health protocols para makalikaw sa virus ro parehong kandidato ag andang empleyado.
