KALIBO, Aklan—Paga-umpisahan hin-aga nga adlaw it Commission on Elections ukon Comelec sa probinsiya it Aklan ro pagkakas it mga campaign posters nga makabig nga illegal.
Suno kay Crispin Raymund Gerardo, tagapaghambae it Comelec-Aklan nga ro campaign period hay maga-umpisa hin-aga nga adlaw, Pebrero 8, 2022 para sa national level ag sa Marso para sa lokal nga kandidato.
Mag-eowas sa mga lokal nga gobyerno, may kinamatarung man sigon ro Department of Environment and Natural Resources ukon DENR nga magkakas it posters nga nakakabit sa mga puno it kahoy.
Ro required nga sukat it mga posters hay indi dapat nga magsobra sa 2 by 3.
Samtang, gindugang pa ni Gerardo nga may mga partido ukon grupo it mga national candidates ro nagpangayo eon it permiso sa andang taeatapan agud nga magpangampanya ag magpatigayon it caravan kun sa siin raya hay sandig pa sa approval it regional office.
