-- ADVERTISEMENT --
KALIBO, Aklan—Uman nga gin-engganyo it Commission on Elections ukon Comelec-Aklan ro publiko nga gamiton ro tiyansa makarun agud nga makaparehistro eun sa nagahieapit nga 2022 national and local election samtang matawhay pa ro andang taeatapan.
Suno kay Kalibo Municipal Comelec officer Atty. Rommel Benliro nga hasta eun lang sa Setyembre 30, 2021 ro voter’s registration rason nga dapat hay magparehistro eun ro tanan.
Samtang, ro mga nagapa update it andang registration ag gustong magpa correct it andang mga data ukon entries hay gina-engganyo man nga mag-adto sa andang taeatapan it mas timprano.
Nasayuran nga bukas ra teatapan it COMELEC umpisa Lunes hasta biyernes alas 8:00 hasta alas 5:00 it hapon.
