Kalibo Aklan ———–Uman nga gina-engganyo it Commission on Elections (Comelec)-Aklan ro publiko nga magsunod sa ginapatuman nga health protocol kung naga-atender it mga election campaign ag rally.
Suno kay Chrispin Raymund Gerardo, tagapaghambae it Comelec-Aklan nga sa andang pag-obserba hay malisod nga makontrol ro mga supporters it mga kandidato ag nalilipatan eun it mga raya ro pagpatuman it social distancing kung una eun sa mismong lugar it ginapatigayon nga campaign rally.
Dugang pa kara nga apisar nga nasusunod ro pagsuksok it face mask hay dapat gihapon nga magpatuman it distansiya sa kada isaea.
Samtang, ginklaro man ni Gerardo nga makarun hay ginapasugtan eun ro in-person campaign.
Nasayuran nga kinahangean anay nga mag-apply ro mga kandidato it permit sa regional election director’s office antes ro adlaw it kampanya.
Samtang, ginpaandaman man kara mga kandidato nga magsunod sa ginpatuman nga pagsinueondan it taeatapan mas kapin eun ro pagtakod it andang mga poster kun sa siin dapat hay may una eamang nga sukat nga 2×3.
