Gin-aprubahan it Commission on elections (Comelec) ro dugang nga P2,000 nga honoraria para sa mga manugturo ag iba pang mga nagserbing election boards (EBs) nga nag-overtime sa nagtaliwan nga eleksyon ko Mayo 9.
Suno kay Comelec Commissioner George Garcia nga accross the board ro pagtao it honoraria nga buot hambaeon parehong haega ro igatao sa tanan nga poll workers anuman ro andang posisyon basta nga nag-extend it oras ko eleksyon.
Target sigon raya nga maitao antes ro Mayo 25 ag sa makaron hay una eon sa proseso ro poll body sa pagtumod sa mga presinto nga nakaangkon it aberya sa mga vote counting machines.
Ginabuebanta nga naga-abot sa 1,000 polling centers ro ginatan-aw it poll body nga mataw-an it honoraria apisar nga owa it aproved budget para kara.
